Awalanipun atur
mangga kita kunjukaken puji lan syukur wonten ngarsa dalem Allah Ta’ala awit
peparingipun rahmat lan kanugerahan, kawilujengan dateng kita sedaya, sahingga
ngantos dinten punika kita saget sesarengan makempal ing papan minulya punika,
saperlu nindaaken kwajiban kita, kanti wilujeng mboten manggih pepalang satunggal
menapa. Langkung langkung rahmahipun Allah rupi panjangipun yuswa ngantos wanci punika kita saget pinanggih lan
menangi malih wulan Ramadhan ing tahun punika,
Panyuwun kita mugi kita
pinaringana kekiyatan lan dhohiran wa bathinan saget nindakaken jejibahan shiyam Ramadhan
ngantos paripurna, lan sedaya amal ibadah kita tinampi wonten ngarsa dalem
Allah Ta’ala. >>>
Sak lajengipun kita ngunjukaken shalawat lan
salam katur dumateng ngarsa
dalem Kanjeng Nabi Muhamad Sallallahu’alaihi wasallam lan sedaya
kaluwarga tuwin para sahabatipun, lumeberipun dateng sedaya para penderekipun,
kalebetna ugi kita sedaya minangka ummat
ingkang nampi syafa’at mbenjang ing yaumil akhir. Amin. Sak lajengipun kula ngajak dateng awak kula
lan panjenengan sedaya, mangga sami kita tingkataken taqwa lan ajrih kita
dumateng Allah, kanti ngestokaken dawuh dawuhipun , lan nebihi sedaya
awisanipun, Inggih namung kanti taqwa dumateng Allah punika kita bade
kaparingan rahmat lan kawilujengan
gesang saking ngarsa Dalem Allah
Ta’ala, wiwit gesang ing alam dunya punika ngantos mbenjang dumugining akherat,
Amiin. Jalaran inggih namung iman lan
taqwa punika minangka sangu ingkang langkung sae kangge sowan kita sedaya wonten ngarsa Dalem Allah Ta’ala, kados Allah sampun
paring dawuh :
وَتَزَوَّدُوافَإِنَّخَيْرَالزَّادِالتَّقْوَىوَاتَّقُونِيَاأُوْلِياْلأَلْبَابِ
“Lan pada gaweha sangu sira
kabeh, sejatine sak becik becike sangu iku taqwa, lan pada wediya sira kabeh ing Ingsun
Allah he wong kang pada anduweni pikiran”(QS: Al Baqarah :197).
Para sederek Kaum Muslimin ingkang Minulya,
Gilir gumantose
mangsa mboten kraos sampun dumugekaken kita dateng satunggaling mangsa ingkang
sampun dipun tenggo tumrap tiyang muslim. Ingkang saben tiyang ngarep-arep
dumuginipun wulan puniko. Wulan ingkang kebak berkah,ampunan lan pahala ingkang
agen sanget kangge sinten kemawon ingkang nindakkaken amal shaleh. Inggih wulan
puniko mboten saneh lan mboten klentu inggih puniko wulan Ramadhan. Wulan
ingkang kito sedoyo kawajibaken siyam, wulan inggkang Al-Qur’an dipun turunaken
lan wulan ingkang gadahi kautamaan ingkang katah lan wulan ingkang saklebetipun
wonten ndalu ingkang langkung utami menawi dipun kabandingaken kalian 1000
wulan inggih puniko malam lailatul qodar.
Kados dawuhipun Allah :
شـهـررمـضـانالـذيأنـزلفـيـهالـقــرأنهدىللــنـاسوبـيـنـاتمـنالـهــدىوالـفــرقــانفـمـنشـهــــدمـنكـمالــشــهـرفـلـيـصــمـه
“ Wulan Ramadhan, wulan kang ing sakjerone
wulan kuwi wus di turunake Al Qur’an,
minangka pituduh tumraping manungsa lan kang mertelakake marang
pituduh lan kang mbedakake antarane perkara kang ala lan becik, mula
sangka iku sapa wae kang menangi wulan Ramadhan becik supaya puasa ing wulan
iki “ ( QS. Al Baqarah ; 185).
لــيــلــةالــقــدرخـيــرمـنألــفشــهـر
‘ Sewengi
lailatul qadar iku luwih bagus katimbang sewu wulan “
Wulan ramadhan puniko gadahi
kautamaan ingkang katah sanget ing antawisipun :
1. WULAN Ramadhan wulan kang dipun berkahi, dipun
wajibaken siyam, pintu surga dipun bikak,pintu neraka dipun tutup lan para
setan dipun blenggu. Kados wonten salah satunggaling hadits ingkang artosipun: Saking
Abu Hurairah :
“Rasulullah maringi pawartos bebingah tumrap
para sahabatipun kanti sabda:
“Wus teko tumrap siro kabeh wulan Ramadhan,
wulan kang diberkahi, Alloh ngwajibake poso, ing wulan iku pintu-pintu surga
dibuka’, pintu-pintu neraka ditutuplan para syaithan di blenggu.lan ing sak
jerone ono malam kang luwih utomo dibanding sewu wulan. Sopo wonge ora oleh
kebeciane maka ora bakalan oleh opo-opo. (H.R. Ahmad dan An Nasa’i)
2. Alloh nurunaken rahmat lan
dipun apus dosa-dosa lan dipun kabulaken do’a. Kados ingkang dipun terangaken
wonten salah satunggaling hadits saking sahabat Ubadah bin Ash Shamit riwayat
Ath Thabrani.
3. ing wulan Ramadhan umat islam dipun paringi 5
keutamaan ingkang mboten dipun paringaken dateng umat-umat sakderengipun, kados
wonten ing hadits saking Abu Hurairah riwayat Ahmad Rasululloh paring penjelasan bilih umatipun
dipun paringi 5 kautamaan ingkang boten dipun parengaken dumateng umat sak
derengipun, inggih puniko:
a.
Bau mulut tiyang ingkang
nindakkaken soum ramadhan ing sisinipun Alloh langkung harum tinimbangkasturi
b b. Poro malaikat nyuwunaken ampunan kangge sinten
kemawon ingkang berbuka.
c c. Para jin ingkang jahat dipun blenggu sahinggo
mboten bebas gerak kados wulan lintunipun.
d d. Umat puniko dipun paringi ampunan ing setip
akhir malam
e
e. Dipun paringi salah satunggale dalu ingkang
lankung utami tinimbang sewu wulan. Inggih puniko lailatul
qodr.
Tasih katah
kautamaan-kautamaan saking wulan Ramadhan ingkang mboten kongang dipun aturaken
lumantar mimbar punika. Wusananing atur mugi mugi sedaya amal ibadah kita
tinampia wonten ngarsanipun Allah langkung langkung shiyam kita, sageta
sampurna ngantos dumugi sampurnanipun
wulan Ramadhan, saget ngasilaken buah ipun ibadah kita, inggih soyo
tambah tambah ta’at lan taqwanipun dateng ngarsa dalem Allah Ta’ala, akhiripun
kaparingan khusnul khatimah. Amin.
No comments:
Post a Comment